თხილი ერთ-ერთი უძველესი, ტრადიციული, სტრატეგიული მნიშვნელობის კაკლოვანი კულტურაა. მისი წარმოშობის პირველ კერად აღიარებულია შავი ზღვის სამხრეთ-დასავლეთ სანაპირო, კავკასია და მცირე აზია. პონტოდან და მისი მიმდებარე რეგიონებიდან იგი ძველ საბერძნეთში პონტოს სახელწოდებით გავრცელდა. ბერძნებმა თხილის კულტურა იტალიასა და სიცილიაში გაავრცელეს. შავი ზღვის სანაპიროზე კერძოდ კავკასიაში, ჩვენს წელთააღრიცხვამდე მეოთხე მესამე საუკუნეში იყო ცნობილი.